بدأ المشروع بالصورة ديه كمرجع للتصميم وفكرة ان الحاجة تبقى فيها خلط بين الذهب والفضة
اتفقنا ان التصميم الدبلة تبقى ارفع شوية وان يبقى فيها زي خندق في النص وان الخندق ده بس اللي يتطلي ذهب. اشتغلت على التصميم ووصلنا للحتة ديه.
عملت نموذج الدبلة بالمقاس والحجم الصح على بلندر وبعدين بدأت انحت في التصميم على زي براش.
بعد الموافقة على التصميم بدأت انحت التفاصيل واتفقنا على الفونت اللي هنستخدمه للكتابة اللي جوا الدبلة.
وديه النتيجة النهائية. عملنا نسختين من الخاتم: نسخة فضة سودة مأكسدة وذهب ونسخة أكسدة وتلميع.
